Adxudicadas por 1,4 millóns as obras da OU-143 en Albarellos, Monterrei

O contrato foi adxudicado á empresa Obras, pavimentos e instalaciones industriales Opain S.L. e a previsión do goberno autonómica é que os traballos comecen este vindeiro mes de agosto. As obras contan asimesmo cun prazo de execución de 12 meses.

A intervención inclúe a construción de dous tramos de senda peonil na travesía da estrada OU-143, dando así continuidade ao tramo xa habilitado no ano 2021.

O obxectivo é mellorar a seguridade da ruta ata sumar algo máis de 1,1 quilómetros de lonxitude tanto para residentes como os peregrinos que adoitan a frecuentar este treito polo que discorre a Vía da Plata.

A actuación completarase coas reformas do firme e tras a execución da obra levarase a cabo a tramitación da transferencia da titularidade da estrada ao Concello. Estas obras irán acompañadas da humanización da contorna, con novas luminarias, carballos e sobreiras e bancos.

Mellora das vías da Xunta

A Consellería de Vivenda e Planificación de Infraestruturas, que dirixe María M. Allegue, segue a traballar para manter as vías de titularidade da Xunta nas mellores condicións, garantindo a seguridade viaria aos usuarios.