Monterrei pide financiamento para garantir o servizo de axuda no fogar

ATENCIÓN Á VECIÑANZA

O Concello de Monterrei celebrou o pleno de abril e maio, no que se deu conta dun acordo para solicitar a Xunta financiamento para o servizo de axuda no fogar que presta

Sesión plenaria celebrada este mércores no Concello de Monterrei. | Concello de Monterrei

O Concello de Monterrei celebrou onte o pleno dos meses de abril e maio, no que o grupo de goberno deu conta da liquidación orzamentaria do 2024, así como dunha solicitude á Xunta para poder financiar os diversos servizos sociais que presta o Concello este exercicio, fundamentalmente o servizo de axuda no fogar (SAF).

Para o alcalde, José Luis Suárez, o SAF é un servizo “potente” que require dun “gran esforzo orzamentario e de persoal”.

Este ano prestaranse un total de 39.628 horas de atención a usuarios, pasando dos 585.000 euros de custo do 2024 a 776.162 euros en 2025.

“Queremos que o servizo siga sendo público e xestionado por nós, e esperamos que a Xunta suba a subvención da hora de 12 a 14 euros, sobre un total de 19”, manifestou o mandatario local.