O concurso de escaparates volta cunha nova edición en Carballiño

O Concello do Carballiño impulsa a creatividade dos comercios e da hostalaría co concurso de escaparates de Nadal. Haberá seis premios aos proxectos expositivos máis creativos, orixinais e sostibles. “É un estímulo para o propio sector e tamén para a veciñanza e para a xente que se achegue á vila nestas semanas”, asegura Diego Fernández, concelleiro de Cultura de O Carballiño. quen anima a comerciantes e hostaleiros a sumarse á campaña. O concurso conta con dúas categorías, de comercio e de hostalaría, e cada unha inclúe tres premios de 200, 150 e 100 euros respectivamente. O xurado, que nesta ocasión estará formado polo concelleiro de Cultura, un representante do comercio ou hostalaría e un representante dunha asociación cultural ou veciñal, será o encargado de avaliar as propostas. No caso do comercio, valorarase só o escaparate, mentres que na hostalaría valorarase en conxunto o mellor interior e os elementos externos (deseño de entradas, portas ou ventás do local, entroutros).

“Aparte de ser un dos concursos mellor aceptados polos comerciantes, é importante que todos os actores involucrados no sector do comercio fagan un esforzo por xenerar ese ambiente de Nadal que fai que esas datas sexan tan entrañables”, comentan dende o Concello, que agarda que este ano volva ser un éxito como en pasadas edicións.