O dono do Novo Cine de Leiro tendrá documental

O exhibidor e propietario do Novo Cine Leiro, Ernesto Romero, será o protagonista dun documental dirixido polo produtor e comunicador Simone Saibene, nun proxecto audiovisual que, apoiado pola Deputación de Ourense, renderá homenaxe ao promotor desta sala de cine, coincidindo co 40 aniversario da súa apertura.

Con tal motivo, o presidente da Deputación, Manuel Baltar, visitou o Novo Cine Leiro na compaña do seu dono, Saibene -director e guionista do documental- e Jairo Iglesias -responsable da fotografía do proxecto-. Manuel Baltar afirmou que resulta “entrañable comprobar o compromiso, vocación e amor pola sétima arte que amosa Ernesto, o que merece tanto para min como para a Deputación toda a nosa admiración e respecto”.

Saibene confirmou o inminente comezo da rodaxe do documental, que ten como título “Cine Paraíso, Leiro”. Agradecido polo apoio do goberno provincial, Simone Saibene recoñeceu estar encantado cun proxecto que terá como escenario o mundo rural e que dará a coñecer a historia dun “exemplo de resistencia”, en alusión ao dono do cine, Ernesto Romero.