O amor é a clave

“Se alguén me ama, gardará a miña palabra, e meu Pai amarao, e viremos onda el, e faremos vida con el. O que non me ama, non garda as miñas palabras; e a palabra que escoitades de min, non é miña, é do Pai que me mandou.”

(Xoán 14:23-24)

A clave na vida é o amor: para comprender temos que amar, para coñecer máis temos que amar… nas relacións con outras persoas, o amor é a clave. non podemos saber moito dunha persoa se non a amamos. Pero a recompensa cando amamos a Deus é que el vive con nós. Dentro de nós! A palabra que Xesús utiliza para explicalo significa que el pon a súa morada dentro de nós, traendo consigo todo o que necesita para vivir. Aínda que pareza incrible, nós pasamos a ser a súa propia morada!