Os fillos do Reino

“E dígovos que virán moitos do oriente e do occidente, e sentarán á mesa con Abraham, Isaac e Xacob…”

(Mateo 8:11)

Sempre é enriquecedor ler todo o texto dos versículos que traemos a este espazo, pero hoxe é de especial interés. Xesús está a falar co seu pobo Israel, e dilles que non lles chega co “título” de considerarse pobo de Deus e teñen que cumprir o seu pacto. Noutras palabras: cumprir os seus mandamentos.

Citando a estes persoeiros está a falar do Pacto ( con Abraham), da promesa ( con Isaac) e de Israel ( con Xacob). Os israelitas sabían ben o significado e os fariseos, sacerdotes e sabuceos tamén, pero vivían lonxe de Deus. Hoxe acontece o mesmo; a pesar de que coñecen ben a profecía de Zacarías 4:6 : “ Non por forza nen por violencia, senón a través do meu Espíritu” ; como vemos, nada ten que ver cos propósitos de ser luz entre as nacións. Seguen por un camiño diferente buscando a súa seguridade. Pero desprezaron a Jahveh que os protexía. Os fillos do Reino non son de nacemento.