Libre

“Respondeulles Xesús: ‑Con toda verdade

volo aseguro: quen comete o pecado é escravo.”

(Xoán 8:34)

“Se o Fillo vos libera, seredes libres de verdade.”

(8:36)

Ninguén de nós é perfecto, así que caemos máis veces do que quixéramos. O que Xesús está ensinando é que somos escravos dos nosos actos cando non podemos deixar de facelos. Vémolo dunha maneira moi clara cando alguén non pode deixar as drogas, non pode abandonar a bebida ou algún outro problema “visible”, pero non nos decatamos de que o pecado tamén pode escravizarnos por dentro se non somos capaces de recoñecelo: amargura, odio, resentimento, envexa, etc. son tan crueis como o que mencionabamos máis arriba. Por iso necesitamos que o Señor nos libere por completo a todos! Porque unha das vitorias do mal é facer que creamos que non ten nada que ver con nós. Só cando Xesús nos trasforma podemos ser libres.