A empresa ourensá Misturas retoma as obras da avenida de Portugal

REACTIVACIÓN DAS OBRAS

O Concello de Ourense recorre a un procedemento de emerxencia para reactivar os traballos na avenida de Portugal da man da empresa ourensá Misturas.

Operarios trabajando en la Avenida de Portugal en Ourense. | La Región

A empresa ourensá Misturas será a encargada de retomar e rematar boa parte das obras da avenida de Portugal tras romper con Opain. Ao longo da xornada deste venres, a firma realizará un levantamento topográfico para avaliar o estado actual da obra, según anunciaron fontes oficiais.

Ademais, o equipo técnico levará a cabo un inventario de materiais, recolocará os medios auxiliares e supervisará os valados e pasarelas.

Esta intervención por vía de emerxencia busca, segundo o Concello, garantir que a rúa quede operativa desde o punto de vista da seguridade. Neste sentido, asegurou que a nova adxudicataria traballará a un “ritmo superior” ao da anterior empresa para axilizar o avance das obras.