Os servizos sociais dan un paso cara a dixitalización

Os profesionais dos servizos sociais comunitarios dos 91 municipios da provincia con menos de 20.000 habitantes reuníronse onte no Pazo de Guizamonde para acudir ás xornadas de traballo impulsadas pola Deputación. Unha iniciativa para compartir coñecemento e experiencias relacionadas coa transformación dos servizos sociais facendo uso da innovación, a dixitalización e a interconexión; así como para presentar as novidades dos programas xestionadas dende a área de Benestar provincial, que incrementarán neste ano o seu orzamento ata os 300.000 euros, segundo afirmou o presidente da Deputación, Luis Menor. Nestas xornadas, Menor aproveitou a ocasión para repasar as actuacións sociais e explicar que nas vindeiras semanas, as entidades coñecerán un novo modelo tecnolóxico de cooperación coa administración.