A XLI Mostra Internacional de Teatro impúxose á chuvia

A chuvia fixo aparición na xornada do sábado da XLI Mostra Internacional de Teatro de Ribadavia e obrigou a suspender o obradoiro “El desenterrador” do domingo, mais sen restar brillantez ao resto do programa, que completaron tres espectáculos.

A obra de Disiden.Cia, con Martín Los Arcos e Marcia Vázquez e titulada “Bipedestrución” rexistrou unha máis que boa entrada co seu espectáculo familiar de danza contemporánea, pensado para tódalas idades e que leva ao público a preguntarse sobre a propia identidade.

O segundo acto do programa do día foi “Cerrados y dormidos los bailan”, de Marta Azparren e Natalia Fernandes, precednedo a obra “Non pasarán”, da compañía Ártika Cia, dirixida por Tito Asorey e cun elenco que forman Marcos Alonso, Rocío Salgado, Fernada Barrio e Martín Maez. Estapeza teatral leva ao público a un país sacudido polos incendios que provoca unha organización descoñecida, onde a cidadanía responde co mensaxe que da título a peza “Non pasarán”, e onde un pai e a súa filla acollen en casa a unha misteriosa parella.

Son sete as citas programadas para este luns, que comenzan na praza de abastos cunha conversa arredor de “A derradeira leición”, da compañía Chévere; para seguir co laboratorio “Pan, nubes e chocolate”, de A Volátil no Museo Etnolóxico; e os obradoiros “Os Passadores”, de Patricia Portela, xunto con “Máscara neutra”, de Mar Navarro. O apartado adicado aos espectáculos inclúe as obras seguintes: “Castelao, un corazón á interperie”, de Fantoches Baj; “Las magias (site specific)”, de Teresa Lorenzo ; e “Sobre o extravío ou a arte de perderse”, de Furia Sotelo.