Melloras na Vía da Prata ao seu paso por Fumaces, Riós

PLAN HURBE

A rúa que atravesa o núcleo de Fumaces, no concello do Riós, está a ser obxecto de melloras por valor de 237.000 euros, co fin de reformar este tramo da Vía da Prata

Manuel Pardo e Eva Barrio supervisaron o estado das obras en Fumaces, que avanzan a bo ritmo e rematarán en xuño. | La Región

A rúa principal de Fumaces, no concello do Riós, unha vía pola que discorre un tramo da Vía da Prata, está a ser obxecto de obras de reforma, co fin de mellorar a accesibilidade da veciñanza e contribuír á mellora paisaxística da contorna do Camiño de Santiago.

Nas actuacións son froito dun acordo de cooperación subscrito entre a Consellería de Vivenda e Planificación de Infraestruturas e o ente municipal. En virtude do mesmo, investíronse máis de 237.000 euros, dos que o 70% apórtaos a Xunta, e o 30% restante a Comunidade de Montes Veciñais en Man Común de Fumaces.

O delegado territorial en Ourense, Manuel Pardo, supervisou xunto coa alcaldesa, Eva Barrio, o estado dunhas obras que teñen previsto rematar o próximo mes.

En concreto se está a levantar o pavimento existente, arranxando aqueles tramos da canalización de augas pluviais que presenten deficiencias e colocando unha nova pavimentación polo tramo que pasa a Vía da Prata.

Plan Hurbe

Pardo explicou que esta actuación desenvólvese ao abeiro do chamado plan Hurbe, un programa impulsado polo Goberno galego en 2010 co fin de axudar ás administracións locais a financiar iniciativas que inciden de forma positiva na calidade de vida da poboación.