Riós celebra o Día das Letras Galegas cunha velada de música e tradición

CANTAREIRAS

Riós conmemorará as Letras Galegas dedicadas á figura das cantareiras cunha tarde-noite chea de música e cultural popular

IV Fiadeiro de Reis celebrado o pasado xaneiro en Florderrei na honra da cantareira "tía Pilar" e en homenaxe aos cantareiros do "Cancioneiro das Terras de Riós", de Xosé Lois Foxo.
IV Fiadeiro de Reis celebrado o pasado xaneiro en Florderrei na honra da cantareira "tía Pilar" e en homenaxe aos cantareiros do "Cancioneiro das Terras de Riós", de Xosé Lois Foxo. | Concello de Riós

O Concello de Riós vén de presentar a súa programación con motivo da celebración este sábado, 17 de maio, do Día das Letras Galegas, dedicado este ano ás cantareiras. Consecuentemente, as voces das mulleres e a música popular serán as grandes protagonistas dunha tarde-noite chea de cultura tradicional.

O evento arrancará ás 18,00 horas cunha gran festa musical que contará coa actuación da cantante Merchy Treviño, que estará acompañada polo artista Ulises e os grupos de baile de Verín, A Chaira, Florderrei, San Cristovo e Riós.

Tamén participarán ao longo da tarde a banda de gaitas e a banda instrumental local, a coral Cantarela, as cantareiras de Riós, e os grupos Bulideira, Os Reboldeiros e Flor de Xesta.

A xornada rematará cunha cea no restaurante O Viaxeiro, ás 21,00 horas, na que volverá cantar Merchy Treviño.

Contenido patrocinado

También te puede interesar

Lo último

stats