Sandiás celebra o xoves o II Obradoiro de Costura

O II Obradoiro de Costura do concello de Sandiás dará comezo mañá, xoves 8 de maio, dende ás 18,00 ata ás 20,00 horas, no local social do Concello. Os participantes inscritos nesta reunión decidirán cal será o horario fixo e a organización en grupos para o resto do curso.

Geni Losada, natural da aldea de Piñeira de Arcos, será a encargada de dirixir este obradoiro, no que os participantes porán a proba a súa iniciativa e creatividade con proxectos de patronaxe e confección. Os alumnos tamén aprenderán a adaptar modelos segundo as tallas e a realizar todo tipo de arranxos e modernización de pezas.

A costura ten efectos beneficios para ás persoas, desenvolvendo capacidades cognitivas como a orientación espazo-temporal e a resolución creativa de problemas, alén da atención e a concentración.

As pezas confeccionadas sairán á luz na segunda edición da exposición que se realiza ó rematar.