Os nomes das borrascas que nos viñeron alagando tantas semanas seguidas, pruíronme a curiosidade, furguei algo na rede e topei cousas simpaticas. Voulles contando e, se cadra, aínda abren a boca. De partida pensaba na discriminación masculina. A ver a santo de qué só tiñan nome de muller? Estarían as feministas máis repunantes -só esas- encabuxadas pola asociación negativa de muller e destrución, ou felices e risoñas pola vinculación de muller e forza incontrolable? En fin. Unha cousa ou a outra seguro. E navegando, navegando, desde a interesantísima web 4gotas.com que montou cuns colegas a lista e guapa meteoróloga ourensá Beatriz Hervella, cheguei a Alemaña.