Andaina solidaria en Manzaneda a favor das vítimas da DINA

A iniciativa permitirá aos participantes descubrir a beleza da Ribeira Sacra durante o outono, á vez que contribúen a unha causa humanitaria.

A xornada dará comezo ás 11,00 horas na praza do Concello, cun percorrido guiado pola Vila Medieval de Manzaneda, declarada Ben de Interese Cultural. Posteriormente, os asistentes continuarán ata o Monumento Natural do Souto de Rozavales, onde se realizará unha interpretación do entorno.

A actividade matinal concluirá ás 14,00 horas, momento no que os participantes terán tempo libre para comer, ben mediante pícnic ou en establecementos locais.

A partir das 16,00 horas, a andaina retomará a actividade cunha ruta circular de 3,5 kilómetros que levará aos asistentes ata os viñedos de Seoane, onde se poderán admirar as vistas do Val do Bibei e da Ladeira de A Mata. O evento rematará ás 17,30 tras o regreso ao punto de partida.

Inscrición

A inscrición para participar custa 10 euros, importe que segundo informan desde a organización, será duplicado polo concello para maximizar a axuda ás vítimas. Os interesados poden anotarse ata o venres 9 de novembro a través do correo electrónico manzaneda.rural@gmail.com ou chamando ao 988 333 043.