A actriz Mariana Carballal será a pregoeira da XVIII Feira do Viño de Monterrei

DESTACADA ARTISTA

A actriz, guionista e directora Mariana Carballal, veciña de Albarellos, dará o pregón do 8 de agosto

A directora, guionista e actriz Mariana Carballal, natural de Albarellos. | La Región

A actriz, guionista e directora Mariana Carballal, natural de Albarellos, dará o pregón tralo que arrancará a XVIII Feira do Viño de Monterrei, o vindeiro 8 de agosto, ás 20,00 horas, na praza García Barbón de Verín. Carballal é unha persoa fortemente vinculada co territorio e que leva a Denominación de Orixe Monterrei alá onde vai.

Licenciada en Arte Dramática pola RESAD de Madrid e posgraduado en Estudos Teatrais e Cinematográficos pola Universidade da Coruña, é profesora de interpretación na ESAD de Galicia, de Dirección en Comunicación Audiovisual da UVigo e de Interpretação na UMinho.

Como intérprete participou en obras teatrais e en filmes e series como “Vivir sin permiso”, “Fariña”, “Elisa y Marcela”, “La piel que habito”, “Matalobos”, “Hospital Central” ou “Pratos Combinados”.

Posúe asimesmo o premio Galicia en Feminino 2004 da Xunta, o Xociviga de Honra en 2016 ou o Premio OUFF Ourense 2023.