O comercio verinés reparte 500 euros por San Valentín

NOVA CAMPAÑA

A Asociación de Empresarios/as de Verín - Centro Comercial Urbano (Aever-CCU) vén de presentar a súa nova campaña de dinamización comercial.

Santos Álvarez e Xosé Ángel Rodicio, presidente e xerente de Aever. | C.L.M

Baixo o lema “En San Valentín eu merco en Verín”, esta iniciativa arranca este mércores, 5 de febreiro, e prolongarase ata o vindeiro venres, 14 de febreiro, e sorteará cinco cheques agasallo de 100 euros cada un para mercar no comercio local.

Para participar no sorteo, os clientes deberán rexistrar as súas compras entre o 5 e o 14 de febreiro en ccaverin.com/sanvalentin-2025, ou mediante os códigos QR dos carteis. O sorteo terá lugar o 17 de febreiro, e aos gañadores publicaranse nas redes sociais de Aever e avisaranse por teléfono.

Os gañadores terán un mes para gastar o premio nun máximo de dous establecementos e un importe máximo de 50 euros por tenda.

Corazóns da campaña

Ademais repartiranse entre os asociados corazóns recortados co lema da campaña, e os clientes poderán facer unha foto para promocionar o comercio local.

Contenido patrocinado