TRES DÍAS DE ACTIVIDADES
Circo no Camiño pecha en Verín cun cheo total
IMPULSOR DOS MAIOS
O pasado 30 de abril, durante a presentación da obra recompilatoria “Artigos, contos e maios” sobre a figura de Enrique Gómez Pato, o investigador e divulgador verinense Bruno Rúa lanzou unha proposta: darlle á biblioteca municipal o nome de Gómez Pato, xoieiro, xornalista, escritor, impulsor dos Maios e referente cultural da vila ata a súa morte en 1979.
Os numerosos familiares de “O Pato” presentes naquel emotivo acto na Casa da Cultura recolleron a idea, e ao longo destes días estiveron concretando unha petición que conta co apoio de máis veciños e persoeiros da cultura local, e que este martes trasladaron formalmente ao grupo de goberno. Fontes do Concello consultadas indican que a súa petición será debidamente analizada, co fin de realizar posteriormente unha proposta e levala a pleno.
Dous dos seus “Patiños”, como chamaba Gómez Pato de xeito cariñoso aos seus fillos, secundan como toda a súa familia a proposta iniciada por Bruno Rúa. Para Antonio Gerardo “Ran”, a biblioteca é un lugar “perfecto” para que Enrique Gómez Pato lle dea nome, e lembra que o seu interior xa presume “dun busto” de seu pai, a quen define como “un home moi activo, sempre estaba escribindo”.
Pola súa banda, o outro fillo varón, Luis Aurelio “Luislé”, afirma que unha das primeiras persoas que propuxeron que o seu pai dera nome á biblioteca foi “Plácido Romero”, o cineasta verinense finado en 2024. A petición lanzada por Bruno Rúa parécelle “moi acaída”.
Nado en México en 1922, ao pouco tempo Enrique Gómez Pato retornou coa súa familia e criouse na rúa Santo Domingo da capital ourensá. Posteriormente, trasladouse a Verín, vila onde montou unha xoiería que aínda sigue aberta da man de familiares que preservan o seu legado e nome. Instalado na comarca, ademais de xoieiro non deixou de escribir. Foi correspondente na comarca para La Región, colaborou con diversos medios e escribiu dúas obras de teatro.
Contenido patrocinado
También te puede interesar
TRES DÍAS DE ACTIVIDADES
Circo no Camiño pecha en Verín cun cheo total
RECURSOS NATURALES SOSTENIBLES
Manuel Vázquez, presidente de Aguas de Sousas: “Proteger el agua es una responsabilidad continuada y debe ser compartida”
DOS OPERACIONES SUSPENDIDAS
El quirófano de Verín encadena cancelaciones por la presencia de insectos
HELICÓPTEROS Y PASAMONTAÑAS
La falsificación vuelve a poner en alerta a Xinzo y Verín: "Outra vez pola roupa?"