Os veciños de Verín irán a Chaves coa Eurocidade

FESTAS NO VECIÑO LUSO

Esta actividade para a poboación de Verín, con visitas guiadas, transporte e xantar en Chaves, terá lugar o 31 de xullo e é gratuíta

O Castelo de Chaves é un dos referentes turísticos da vila. | C.L.M.

A seguinte acción social da Eurocidade Chaves-Verín, no marco da programación “Descubre a Eurocidade Chaves-Verín – o outro lado que tamén é noso”, terá lugar o vindeiro 31 de xullo, mércores, e consistirá nunha visita á cidade veciña lusa de Chaves, neste caso destinada á poboación verinense.

Ese día foi escollido por ser o inicio no xardín público do Festival N2, un evento de que reflicte o crecente interese pola Estrada Nacional 2 portuguesa, que conecta Chaves con Faro. O obxectivo reconectar á poboación local co patrimonio termal e cos recursos culturais e turísticos compartidos entre as dúas cidades.

A participación nesta visita é gratuíta, pero as súas prazas son limitadas. O programa inclúe transporte, seguro, visitas guiadas, xantar e actividades culturais e de benestar: promoción da cohesión transfronteiriza A inscrición é obrigatoria e pódese realizar online ou presencialmente na sede da Eurocidade ou na oficina de Turismo de Verín.

A actividade está cofinanciado pola UE a través do programa Interreg VI- A España- Portugal (Poctep) 2021-2027.