Vídeo | Concerto e homenaxe a Juan Pardo en Xinzo de Limia

O Día de Galicia en Xinzo de Limia viviuse, como de costume na vila, cunha gran festa e con moita música. O acto deu comezo pasadas ás 20,30 horas, cando tivo lugar a tradicional ofrenda floral e a posterior lectura do manifesto no Parque de Galicia, que contou ca presenza de decenas de veciños e membros da corporación local.

Posteriormente, Sanda Alvar e Lara Sotelo interpetaron o Himno Galego para o goze dos asistentes. Pasadas ás 21,00 horas, a rúa Río Arnoia, a escasos metros do Parque de Galicia, no barrio do Polígono, foi o escenario elexido para a cita “Xuntos pola música”.

Durante a velada, Lys Pardo -a filla- e Antonio Barros fixeron un tributo ó cantante Juan Pardo, fillo adoptivo de Galicia e que recibiu a Medalla de Ouro de Galicia no 2023. Un artista que sen dúbida, ocupa un lugar especial no corazón de tódolos galegos e galegas.

E así o demostraron os asistentes, que gozaron, cantaron e incluso se animaron a bailar as cancións que acompañaron a varias xeracións de galegos nunha noite chea de sentimento.