Un delicioso traballo escolar no Ribeiro

O IES O Ribeiro na Feira do Viño de Ribadavia

Un ano máis, os alumnos de FP do IES O Ribeiro de Ribadavia tiveron unha participación destacada na Feira do Viño, que este ano acadou a súa 62 edición. Alumnos e profesores dos ciclos formativos da rama de Industrias Alimentarias estiveron durante as catro xornadas atendendo un stand no que ofreceron os produtos que se elaboran no ciclo medio de Elaboración de Aceites e Viños, o ciclo superior de Vitivinicultura e o ciclo básico de alimentación. Aceite de oliva virxe extra, viños, bebidas espirituosas ou doces foron algunhas das elaboracións que lle ofreceron ós visitantes. Ademais, este ano tamén fixeron unha cata comentada de moito éxito do seu aceite e dous dos seus viños.