Homenaxe a Elías Valiña na Casa da Cultura de Xunqueira de Ambía

A Casa da Cultura do concello de Xunqueira de Ambía acollerá este venres, 26 de decembro, a estrea do documental “Elías Valiña o inventor das frechas amarelas”, que atenderá a figura do crego do Cebreiro (Lugo) que creou este símbolo identitario do Camiño de Santiago, sendo un dos protagonistas da súa recuperación.

A cita dará comezo ás 18,00 horas coa visualización da peza, e posteriormente, os asistentes poderán desfrutar dunha visita guiada á exposición que vén de recorrer o territorio nacional e o estranxeiro para achegarse por primeira vez á Vía da Prata.

Valedor do Camiño

Elías Valiña (1929-1989) foi un dos principais promotores e valedores do Camiño de Santiago, sendo unha figura descoñecida para moitos dos que hoxe dán por sentado a importancia e valor deste elemento que define a Galicia.