Porqueira estudia a posta en marcha de unha parcelaria

A Xunta de Galicia afianza o seu compromiso co Concello de Porqueira en materia de recuperación e posta en valor do territorio. Así o confirmou José González, conselleiro de Medio Rural, nunha reunión que mantivo con Susana Vázquez, alcaldesa de Porqueira. Á cita tamén acudiron Gabriel Alén, delegado territorial da Xunta en Ourense, e Francisco Paz, subdirector xeral de Infraestruturas Agrarias.

Na xuntanza abordáronse temas de interese para impulsar o rural do municipio, especialmente no que atinxe á posta en valor do territorio a través de instrumentos que facilita a Consellería de Medio Rural. Concretamente, valorouse a posibilidade de levar a cabo unha nova concentración parcelaria nos lugares de Paradela de Abeleda e Lobios. Tamén se puxo sobre a mesa a necesidade da mellora das diferentes infraestruturas rurais.

Dende a Administración galega recordaron que o Concello xa conta cunha parcelaria -a de Porqueira II- que mobilizou 712 hectáreas de terreo divididas en 2.053 parcelas -anteriormente eran 9.045- e propiedade de 796 titulares, nas que está prevista a entrega de títulos no 2024.

Nesta liña, dende Medio Rural explican que “as concentracións parcelarias son unha ferramenta para paliar o minifundismo presente na nosa comunidade, dende o punto de vista da estrutura da propiedade”.