Barbadás coloca 16 puntos de luz en vías municipais

O Concello de Barbadás vén de colocar 16 novos puntos de luz en diversos puntos do municipio, co obxectivo de mellorar a seguridade e accesibilidade da poboación. A acometida enmárcase no Plan de Obras aprobado polo goberno local para este 2025, dotado con 1,1 millóns de euros, e que inclúe desde a ampliación da iluminación pública ata remodelacións de edificios públicos ou novas áreas de recreo.

Os novos puntos de luz localízanse nas localidades de Piñor, Bentraces, Sobrado, Barbadás, Pontón e A Valenzá. “Dotar de iluminación pública as diferentes zonas que ata agora carecían dela favorece a seguridade, a accesibilidade ás vivendas e, por suposto, a comodidade da poboación. É un servizo fundamental”, recalca Victoria Morenza, tenente alcalde.

Os farois colocados en zonas como a curva da Igrexa de Piñor tamén supoñen unha mellora na seguridade viaria. “É unha curva moi pronunciada na que faltaba visibilidade. Os novos puntos de luz favorece a seguridade de condutores e peóns”, asegura Morenza.

Melloras en diversos puntos

A nova iluminación sitúase en Sobrado (no cruce e na rúa Furón); en Bentraces (na rúa de Abaixo e na rúa dos Cortizos); en Barbadás (nas Escorregas); en Piñor (rúa Dilueiras e na curva da Igrexa); na Valenzá (rúa Altamira) e na aldea de Pontón