O Carballiño celebra un novo concurso de Camisetas na Festa do Pulpo 2024

Este sábado, véspera da Festa do Pulpo, os mozos do Carballiño volverán lucir os seus deseños no Concurso de Camisetas. Nesta ocasión son 80 as peñas inscritas no certame que ten como obxectivo implicar á mocidade na celebración declarada de Interese Turístico Internacional e que acada neste mes de agosto a súa edición número 62. Repartiranse 600 euros en premios e a Praza Maior volverá ser o escenario no que se xunten os mozos ata a madrugada, con animación musical.

Nesta 24 edición recupérase o desfile ata a Praza da Veracruz, para volver ao escenario inicial no que se realizará a entrega de premios. Mediante este concurso seleccionarase a camiseta da Festa do Pulpo 2024, na que a temática debe dedicarse á DO Ribeiro. Dende que comezou a celebrarse, participaron 40.000 persoas. O primeiro premio será de 300 euros; o segundo de 200 e o terceiro de 100. O resto recibirá 60 euros.