A árbore galega da fraternidade

Dende o día 1 até o día 28 de febreiro ten lugar a votación mediante a que se decidirá cal é “a árbore europea do ano”, certame que se vén celebrando anualmente dende o ano 2011. O obxectivo principal deste concurso é poñer en valor o patrimonio cultural e natural do noso arredor e, ao mesmo tempo, animar á súa protección e conservación. Non se trata dun certame ao uso onde se valoran aspectos como a beleza, a altura ou a idade dos exemplares, senón que se buscan árbores que, históricamente, posúan unha conexión co seu entorno e comunidade, chea de simboloxía e sentimentos que as liguen á cidadanía por algún motivo ou razón de ser.

A representante pola nación española desta edición é unha árbore -o Carballo do Bosque do Conxo, en Santiago de Compostela- sobre a que descansan acontecimentos tan relevantes para a historia da Galiza como poden ser o Banquete de Conxo de 1852, unha comida de confraternización e irmandade que, nun acto inaudito e revolucionario para a época, agrupou a grupos sociais distintos como xesto de respeto mutuo e igualdade. Do mesmo xeito, Rosalía de Castro denunciaba xa nos seus tempos as talas e queimas incontroladas que sofría esta masa forestal do Conxo, o que lle da un valor engadido a esta árbore como emblema de resistencia natural e ecolóxica de, nada máis e nada menos, que 250 anos.

Seguirá gozando desa sorte nun mundo tan falto de sensibilidade co entorno natural?