Andaina circular polas sendas de Castrelo do Val

Esta andaina circular de 11 quilómetros sae o vindeiro domingo, 23 de xuño, ás 9,00 horas dende a parroquia de Gondulfes.

Cun desnivel de 500 metros e unha dificultade media/alta, a ruta percorrerá sendas estreitas, regueiros e campo a través. Rematará na área fluvial de Gondulfes, polo que se aconsella tamén levar bañador e toalla.

Os interesados aínda se poden inscribir ao longo deste mércores en Multisport Verín, a un custo de 6 euros con avituallamento ou de 10 euros se prefiren un picoteo ao fin da andaina.