O Concello de Oímbra presentou as súas alegacións ao proxecto de minería

O Concello de Oímbra vén de aprobar en xunta de goberno unhas alegacións ao proxecto que busca investigar a presenza de litio co fin de minar o preciado recurso mineral.

Segundo informan dende o Concello oimbrao, as alegacións xa foron remitidas á Consellería de Economía, Industria e Innovación.

O proxecto, nomeado “Novo Arboim” e solicitado pola empresa Omega Real Estate S.L., pretende levar a cabo labores de investigación nun terreo que abrangue 27 cuadrículas mineiras, o que equivale aproximadamente a 810 hectáreas, particularmente no núcleo de Bousés.

O Concello xa solicitara un informe aos técnicos sobre a compatibilidade desta investigación con Patrimonio.