Preto de 200 Vespas e motocicletas clásicas déronse cita en Verín

CONCENTRACIÓN MOTERA

A concentración do Vespa Club Verín “Val de Monterrei” volveu ser un éxito, con 192 inscritos procedentes de Ourense, Lugo, Ferrol, Asturias, Castellón, León e cidades do norte de Portugal, entre outros lugares

Mesa de inscrición do Vespa Club Verín e varias motos (foto: C.L.M.)

Fieis á súa cita un ano máis, e xa van 12, afeccionados ás Vespas, Lambrettas e outros ciclomotores clásicos comezaron a aparecer a partir das 10,00 horas na praza García Barbón de Verín.

Os veciños non quixeron perder tampouco a oportunidade de sacar fotos coas motos, que formaban ringleiras coloridas e moi ben ordenadas que se abrían paso pola rúa.

Tras sacar a foto de familia, primeiro na antiga Praza de Abastos, e posteriormente no monumento dedicado ao Vespa Club na avenida de Castela, os amantes das dos rodas emprenderon un roteiro que os levou por Castrelo do Val.

Tras ela, repuxeron forzas cun xantar conxunto antes de emprender o camiño de volta ata o ano que vén.

Contenido patrocinado