Unha noite de verán repleta de música e cor en O Carballiño y Trives

As noites de verán nas vilas ourensás continúan a estar cheas de cor por mor das actuacións das seis agrupacións folclóricas que forman parte dunha nova edición das Xornadas de Folclore. A vistosidade dos traxes, as danzas e os ritmo fan as delicias do respectable que goza co resultado de anos de intenso traballo para a recuperación do folclore tradicional que os respectivos grupos levan a cabo nos seus países.

Onte pola noite foi a quenda de Trives e O Carballiño. No caso da vila do Arenteiro, mocidade e maiores desfrutaron coas danzas e ritmos de Panamá, Senegal e México a través da actuación dos grupos Academia Andrés Valiente, Danza y Proyecciones Folkóricas, Ballet Jammu e o Ballet Folk Instituto Tecnológico de Celaya. Ao redor do escenario, situado na Praza Maior, agolparónse decenas de asistentes que se deixaron levar pola fastosidade dos traxes e por unha variedade musical electrizante.

En Trives, o espectáculo na Rúa de San Martín chegou da man do grupo composto pola Fundación Ballet Folclórico de Nobsa Colombia, Yuan Yuan Dance Group de Taiwán e Kud Skrem de Serbia. Este último foi un dos que máis chamou a atención do público polo alto nivel da coreografía do grupo liderado por un dos maiores expertos nesta arte como é Branko Puric.

QUENDA DE HOXE

Estas xornadas, organizadas pola Deputación de Ourense, chegan hoxe a Xinzo de Limia e Castro Caldelas. A localidade limiá acollerá un pequeno desfile que partirá, ás 20,00 horas, dende o Toural ata a Praza Maior para comezar o Festival ás 20,30 horas cos grupos de Colombia, Taiwán e Serbia.

A Praza de Prado de Castro Caldelas acollerá o segundo festival da noite, ao redor das 22,30 horas coas agrupacións procedentes de Panamá, Senegal e México.

Co comezo da semana, as Xornadas de Folclore desprazaranse ata Bande e Manzaneda. O martes chegará o turno para a cidade e o fin de festa chegará o martes en Ribadavia.