POSIBLE AMENAZA DE BOMBA
Falsa alarma por una mochila sospechosa frente al Parlamento de Galicia, en Santiago
SEN REDE ELÉCTRICA
O conselleiro de Presidencia, Xustiza e Deportes, Diego Calvo, asegurou onte que a Xunta continúa co expediente do proxecto que Altri pretende instalar na localidade lucense de Palas de Rei, pero recoñeceu que é “moi difícil” asentar unha iniciativa como esta “nun territorio no que non hai conexión eléctrica”.
A preguntas dos medios sobre o estado da Autorización Ambiental Integrada (AAI) deste proxecto, Calvo, que presidiu onte o Consello da Xunta, afirmou que a día de hoxe este “proxecto estratéxico industrial” segue o seu expediente, aínda que apuntou que “non ten sentido o que fixo o Goberno” de excluílo da planificación de rede eléctrica.
E isto, dixo, “non lle corresponde á Xunta”, polo que sinalou que será a multinacional lusa quen “terá que ver que fai” nun contexto “moi difícil”.
“Xa expresamos a sorpresa ante a decisión do Goberno de illar á provincia de Lugo, xa non do proxecto de Altri, senón de calquera proxecto industrial que necesitase unha determinada subministración eléctrica en Lugo. Nese sentido, supoño que os promotores terán algo que dicir”, resolveu.
A Plataforma Ulloa Viva e a Plataforma pola Defensa da Ría de Arousa (PDRA), así como o resto de asociacións e colectivos que integran a mesa de coordinación nacional contra Altri, anunciaron onte a convocatoria dunha “gran manifestación nacional” o próximo 14 de decembro en Santiago contra o proxecto que Altri quere instalar en Palas de Rei (Lugo).
Así o anunciaron nunha rolda de prensa en Compostela, onde lembraron que esta mobilización coincidirá co aniversario da manifestación celebrada o 15 de decembro de 2024 “e na que máis de 100.000 persoas encheron a Praza do Obradoiro ao berro de “Altri Non”.
O presidente de Ulloa Viva, Juan Pedro Sánchez, e o presidente da PDRA, Xaquín Rubido, chamaron á sociedade galega a “seguir mobilizándose” para reclamar á Xunta que “denegue xa” todo o expediente para autorizar o proxecto de Altri en Palas de Rei (Lugo).
Contenido patrocinado
También te puede interesar
POSIBLE AMENAZA DE BOMBA
Falsa alarma por una mochila sospechosa frente al Parlamento de Galicia, en Santiago
"INTOLERANCIA"
El PP de As Pontes condena la vandalización de sus pancartas
"votar con forza"
Rueda demanda “non confiarse” y Pontón apela al “non a Altri”
Lo último
SEGUNDA FEDERACIÓN
El Ourense CF no fue capaz de sumar en Llanera (2-0)
Jaime Noguerol
EL ÁNGULO INVERSO
Una temporada feliz
DOMINIO EN LA CANCHA
Carlos Alcaraz conquista su primera Copa de Maestros tras arrollar a Zverev en Turín