Analizando a oración modelo

Continuando coa oración modelo de Xesús, chegamos a un punto profético. Non hai que perder de vista que falamos co Pai, e perdirlle que se faga a súa vontade neste mundo, non deixa de ser actualmente, un feito moi puntual para os cristiáns e algúns outros que teñen temor de Deus. As palabras son precisas e apuntan ao milenio de Paz. Nesa altura o inimigo de todas as almas será atado. As nacións recoñecerán a Xesús como rei e gobernará 1000 anos. Lembremos que na anterior entrega falábamos do reino. Pois nese reino, que non terá final, a vontade de Deus será exactamente igual a que é no ceo. Esa vontade busca o mellor para as persoas que forman parte dese reino.

Esa vontade está afastada do pecado que contamina todo este mundo. A terra deixará de ser un reino de Satanás e pasará a ser un reino de Paz. Con todo, Deus segue manexando os tempos de toda a historia.