Parroquia Santa Ana, no Pino

A igrexa de Santa Ana é un templo católico datado no século XX situado no marxe esquerdo da estrada nacional 120, de Ourense a Vigo.

A moderna parroquia xurdiu como tal o día 15 de xaneiro do ano 1954, debido fundamentalmente ó importante aumento de poboación nesta zona industrial do Pino na Ponte desligándose da xurisdición da antiga parroquia de Santiago das Caldas, aínda que ata o ano 1968 no se iniciou a construción do novo edificio relixioso.

O 6 de novembro do ano 1970, o nuncio do papa Pablo VI, monseñor Luigi Dadaglio, inaugurou solemnemente o templo que contou coa presenza do bispo de Ourense, monseñor Temiño, acompañado de diversas autoridades.

A fachada desta nova Casa de Deus ten forma triangular accedendo á mesma a traveso de tres sinxelas portas de madeira

A fachada desta nova Casa de Deus ten forma triangular, accedendo á mesma a traveso de tres sinxelas portas de madeira. O deseño do edificio foi obra do arquitecto Manuel Conde Edelmira; nel mostrase un estilo arquitectónico bastante similar ó existente na igrexa parroquial de San Pío X, en Mariñamansa, contando con columnas e, na parte superior da fachada, decorase cunha serie de pequenas cruces en relevo ademais de pequenas fiestras cadradas que se estenden dende o lintel ata o teito, sendo o material construtivo do edificio a pedra granítica provinte das cércanas canteiras, carecendo do clásico campanario, tan característico neste tipo de edificio relixioso.

O interior é de planta hexagonal, contando cunha soa nave con coro ou tribuna. Atópase decorado con vidreiras situadas na parte superior dos muros da nave e do presbiterio, todo elo moi en consonancia, simpleza e austeridade, conforme ós postulados emanados do Concilio Vaticano II, ademais de seguir a estética característica imperante nas décadas dos anos 1960 e 1970.

O presbiterio ou capela maior ten planta trapezoidal e chan de parqué, destacando pola súa decoración a base de láminas de madeira dispostas verticalmente sobre a parede do tras altar, debuxando unha cruz latina que soporta unha imaxe dun Cristo crucificado custodiado a ambos lados por sendos e pequenos querubíns. Cóbrese a nave por un tellado a dúas augas

Tres son as imaxes existentes no interior do templo que se corresponden ca titular, santa Ana, en madeira, acompañada doutra bonita talla, de corte industrial, da Inmaculada Concepción, situadas a ambos ós lados dos muros, ademais dunha pequena talla do Sagrado Corazón.