Puxo a súa tenda de campaña entre nós

“Plantou entre nós a súa tenda, e nós vimos

a súa gloria, gloria coma de Unixénito

que vén do Pai, cheo de graza e de verdade”

(Xoán 1:14)

Puxo á súa tenda de campaña entre nós”. Deus fíxose home para ser coma ti e coma min, vivindo coas mesmas limitacións que nós temos; e, en segundo lugar, Xesús viviu cheo de graza e verdade, e esa mesma graza derrámaa sen límites sobre cada un de nós. Tal coma Xoán dí, Deus derrama sobre nós “unha bendición inmerecida tras outra”. A imaxe que usa é a do mar que trae ondas continuas de graza, graza sobre graza… é que o amor de Deus, non ten lindes.