Que teño que facer?

“Eles preguntáronlle:

‑Que temos que facer para realizar as obras de Deus?.

Respondeu Xesús:

‑Esta é a obra de Deus: que creades naquel que El mandou.”

(Xoán 6:28-29)

Algunhas persoas preguntan: que podo facer para que Deus me acepte? Esa non é a mellor pregunta, porque expresa que nós queremos ser os actores da trama. Por iso Xesús lles explicou dunha maneira moi sinxela que a obra que Deus espera de nós é que creamos nel. Se o pensas ben, é moi sinxelo de comprender: nunha relación de amizade, o que a outra persoa espera é que confíes e creas nela. Non se trata tanto de facer como de amar e confiar. Iso é o que Deus quere de ti!