Vencendo a morte

“Eu son a resurrección e a vida.

Quen cre en min, aínda que morra, vivirá”

(Evanxeo segundo Xoán 11:25)

A morte é o inimigo de todos, o elemento máis democratizador que existe porque todos temos que morrer. Diante da morte somos todos iguais… Pero, ao mesmo tempo, ela é a grande espada de Damocles que pende sobre nós: ninguén sabe cando vai chegar e cando nos levará.

Velaí a importancia de confiar no Señor, a Vida con maiúsculas. Cando Xesús di: “Quen cre en min, malia que morra, vivirá” está expresando unha verdade que vai moito máis aló das propias palabras. Todo o que Deus di se cumpre, de tal maneira que cando confiamos no Señor, a morte deixa de ter poder sobre nós. Simplemente se converte en algo circunstancial e pasaxeiro… O triunfo de Xesús sobre a morte é tan absolutamente definitivo que esta chega a compararse na Biblia como un “abrir e cerrar de ollos”. 

Para quen recibiu o Señor na súa vida, a morte é pouco máis que un palpebrar… para seguir vivindo!