Xesús comeza o seu ministerio

“Arrepentídevos, porque o reino dos ceos achegouse” (Mateo 4:17)

Era da idade duns trinta anos cando Xesús comezou a predicar a súa mensaxe, e o que anunciara a súa vinda, Xoán, xa estaba no cárcere. Así, Xesús marchou para Galilea. E saíndo de Nazaret estableceuse en Cafarnaúm, para cumprir a profecía de Isaías. Deste modo, todo estaba programado para que as multitudes ouvisen unha mensaxe de amor. Pero había que mudar de camiño e cambiar de vida. A palabra metanoevw significa cambiar de opinión e reflexionar, cambiar de mente o convertirse. Ese cambio implicaba deixar todo nas mans de Xesús e recoñecelo como fillo de Deus, pero por que podemos chegar a esta conclusión? A resposta está moi clara cando o que Xesús anuncia é un Reino celestial. Na mente xudea había tres ceos. O Universo, o ceu que vemos e o lugar onde Deus está. Parece axiomático que Xesús non falaba de ningún dos dous primeiros ceos, senón do lugar eterno onde o Pai mora. Só poderán estar alí os que deixan todo e cren nel.