A Eurocidade Chaves-Verín ofrece un local de ensaio e estudo de gravación de balde

Un grupo de alumnos do Conservatorio Profesional de Música de Verín visitou recentemente a Eurocidade Chaves-Verín, situada en Feces de Abaixo, ao carón da fronteira lusa. Alí pudieron coñecer o local de ensaio e estudo de gravación que acolle e que están dispoñibles, totalmente de balde, para tódolos cidadáns da Eurorrexión.

Os responsables da Eurocidade amosaron aos estudantes esta sala para ensaios musicais totalmente habilitada, e que conta cun piano, dúas baterías, guitarras acústica e eléctrica, un baixo, micrófono, equipo de son e amplificación, entre outros equipamentos que se poden empregar libremente.

O estudo de gravación, con mesa de mezcla, atópase nun cuarto interior e separado, e nel téñense gravado xa dous álbumes, un deles do dúo de Verín de death crust experimental PneurA.

Acceso independente

O uso do local e do estudo de gravación está dirixido sobre todo a xóvenes, pero está aberto a tódalas idades e interesados, polo que non é preciso que sexan posuidores da tarxeta de eurocidadán.

As inscricións débense realizar preferentemente en persoa, para rexistrar os datos dos usuarios, o que permite o acceso aos usuarios calquera día da semana fóra do horario de traballo da Eurocidade, incluídos domingos, de xeito autónomo e independente.