A Mancomunidade de Verín busca 20 brigadistas para a campaña 2025

Emprego

A Mancomunidade de Municipios da Comarca de Verín abriu o proceso de selección para contratar 20 prazas en catro brigadas de prevención e defensa contra incendios forestais, con contratos de seis meses e salarios entre 1.391 e 1.541 euros. O prazo para presentar solicitudes vai do 13 ao 22 de abril.

Base aérea contra incendios Verín-Oímbra | Archivo

A Mancomunidade de Municipios da Comarca de Verín vén de anunciar a apertura do proceso de selección, mediante concurso-oposición, para a contratación de integrantes de catro brigadas de prevención e defensa contra incendios forestais na comarca durante a campaña deste ano.

A duración dos contratos será por seis meses, con salarios brutos mensuais entre os 1.391 e os 15.41 euros. En total búscase cubrir 20 prazas: catro xefes de brigada, catro peóns-condutores e 12 peóns. Contabilizaranse os méritos aportados e deberán superarse probas teóricas, prácticas e físico-médicas.

Bases e solicitudes

O prazo de presentación de solicitudes, no rexistro da Mancomunidade, arranca mañá e estenderase ata o 22 de abril, martes. As bases e os requisitos establecidos atópasen á disposición na páxina mancoverin.es.

Contenido patrocinado