Persoas con discapacidade fórmanse en Verín no uso da carretilla elevadora

INSERCIÓN LABORAL

Verín acolleu un curso de manexo de maquinaria para persoas con discapacidade da comarca de Monterrei

Un participante recibe instrucións dun monitor. | La Región

A Confederación Galega de Persoas con Discapacidade (Cogami) impartiu en Verín curso de manexo de maquinaria de manutención para o uso da carretilla elevadora, a 11 persoas da comarca, de entre 24 e 59 anos.

Cinco dos participantes están reorientando a súa vida profesional trala concesión dun certificado de incapacidade laboral para a profesión habitual, mentres que o resto busca emprego no sector do almacenaxe de mercadorías, un ámbito moi presente na comarca.

O curso realizouse con acompañamento práctico, ofrecendo a oportunidade de adquirir habilidades e coñecementos necesarios para o manexo seguro e eficiente desta maquinaria, e favorecendo a inserción laboral e as competencias profesionais.

O Servizo de Emprego de Cogami rexistra na súa bolsa un total de 183 persoas que residen en Monterrei, 22 das cales acadaron a inserción este ano.