Verín ofrece este verán lecer para a cativada e conciliación ás familias

A área de Deportes do Concello de Verín vén de abrir o prazo de inscrición para a 17º edición da súa Escola de Verán, unha iniciativa clave para a conciliación familiar na tempada estival que está a piques de comezar.

O programa de actividades desenvolverase do 22 de xuño ao 8 de setembro, e está dirixido á cativada de entre 4 e 15 anos. A Escola de Verín terá lugar de luns a venres, en horario de 8,00 a 14,30 horas, e a oferta inclúe actividades deportivas como fútbol, baloncesto ou natación, xunto con obradoiros creativos, teatro e visitas diarias ás piscinas da Granxa.

Inscricións

As familias interesadas poden informarse ou formalizar a súa solicitude de xeito presencial no Pavillón Municipal de Deportes, no enderezo deportes@verin.gal ou no teléfono 988 411 140. As prazas adxudicaranse por estrita orde de inscrición ata completar a capacidade dispoñible.