Las Antonias, o grupo que reinventou os clásicos boleros

Máis alá dos boleros, non se encasillan, ska, cumbia e ata rumba pode ser posible con estas mozas que a escenario no que se soben, público que revolucionan co seu ritmo, música, voz e ledicia.

Quen son Las Antonias?

Raquel Huete: Somos unha banda que anda a cabalo entre Ourense e A Coruña cuxo estilo maioritario ven sendo os boleros, pero que pouco a pouco van sumando outros xéneros como o ska, o rock, a cumbia… ampliando pouco a pouco as miras.

O proxecto de recuperar temas máis clásicos como son os boleros xorde de Ana Lee. Ela escoitaba ao seu avó entoar cancións que ela aprendía e logo, cando ían segar ou a horta, cantáballas. Según medrada íase dando conta que esos temas tiñan unha letra non demasiado axeitada. Falaban das mulleres como posesión e convidaban a pensar que algo catastrófico podía pasar se elas os deixaban. Así que foi madurando a idea de darlle aires frescos e actuáis a eses temas.

A formación actual xurdiu na época postpandemia

Ourense e A Coruña, como xorde o contacto entre as compoñentes?

Marta: Las Antonias xa nacera na Coruña no ano 2015 da man de Ana Lee, Ana e Mamen, estas últimas tiveron que deixar o grupo e chegaron Elena e Marina. A formación actual xurdiu na época postpandemia. Eu coñecía a Ana e Mamen do Conservatorio Superior de A Coruña e como Mamen se ía, comecei eu con elas. Eu fun a primeira fichaxe de Ourense! (risas). Según íamos ensaiando pensamos que facía falta un baixo, e pensei en Raquel. Que non o dubidou e uniuse a nós. E chegou Lorena, que era a niña substituta de batería, e tanto nos gustaba que quixemos que tamén se unise. E así somos as seis “antonias”.

Resulta complicado estar cada unha nun lado de Galicia á hora de levar a cabo os ensaios?

Raquel: As de Ourense “xogamos na casa”. Como temos aquí o estudo de ensaio, veñen as mozas da Coruña ata aquí. Ao principio facíamos xornadas súper intensivas de ensaio, de sol a sol. Agora, xa temos fichados os horarios e a rapidez do tren e podemos axustar mellor e ensaiar medio día. Ademais, coincide que estamos moi ben divididas e as que temos a sección rítmica estamos en Ourense e facemos os nosos ensaios. As encargadas da parte máis coral tamén ensaia pola súa banda na Coruña. E despois xa nos xuntamos todas.

Temos tanto versións en galego como en castelán

Falabánme dun disco de boleros. Cóntenme.

Lorena: Si! Está recén sacado do forno! Neste mesmo 2023. Chámase “Boleros y otras delicias”. Está inspirado nos vinilos de toda a vida e ten, entre aspas, a súa cara A e a súa cara B. A cara A son cinco temas gravados coa formación recente, a que surdiu postpandemia. A cara B era o material que xa estaba gravado e que non queríamos que se perdese e non saíse á luz. Supón tamén unha homenaxe á xente que estivo na banda no pasado. E esas “otras delicias” que leva o título do disco ven de temas de ritmos tan dispares como a cumbia, o ska o pop e ata a rumba. No que atinxe ao idioma, temos tanto versións en galego como en castelán.

"Deconstruimos” as letras e poñémolas máis de acorde aos nosos tempos

Polo que teño escoitado, a eses boleros danlle unha volta de rosca que non deixa indiferente.

Raquel: De momento son versións -Marta: de momento, me momento. Que temos en mente comezar axiña a facer as nosas propias composicións! (risas)-. Nesas versións “deconstruimos” as letras e poñémolas máis de acorde aos nosos tempos. Hai que ter en conta que os boleros soían ter unhas letras de corte machista, e o que facemos e darlle unha perspectiva femenina. E cun toque de humor.

Ese toque que fai que a xente ademais de gozar da música e o baile, tamén lle saquedes un sorriso.

Marta: Ana Lee ata di que se considera máis interprete que cantante, imaxina! Pero ese puntiño fai que dende o escenario vexamos que a xente desfrute aínda máis e bote unhas risas.

Nós temos unha frase-lema que di “TodXs somos antonias”

Levamos un bo anaco falando de Las Antonias e aínda non lles preguntei de onde ven o nome do grupo.

Lorena: O nome naceu de Ana Lee, creadora do grupo, e dunha amiga que tiña un bar no barrio de Montealto da Coruña. A dona dese establecemento chegaba cada día e xa tiña a catro clientes fixos agardando. Catro homes. E os catro se chamaban “Antonio”. Así que á hora de decidir o nome, fíxolles graza e decantáronse por Las Antonias porque “Antonia” pode ser calquera persoa en Galicia e tamén en España, un nome máis incluínte que exluínte. E con eso digo que tamén no nome súmase todos e cada un dos espectadores. Nós temos unha frase-lema que di “TodXs somos antonias”.

Xa teñen unha cantas actuacións ás costas, como responde o público?

Marta: Temos que decir que Las Antonias recibe sempre unha gran resposta. As mozas da Coruña, o “tren dianteiro”, de seguida conectan co público, así que podemos decir que sempre que actuaomos, somos garantía de éxito! E dito dende a máxima humildade.

Para vostedes suporá un subidón ver esa resposta do público.

Raquel: Totalmente! Vemos como a xente se sinte identificada co discurso e o que reza. Que o que hai que fomentar é o amor propio, ter a autoestima un chisco máis alta, quererse a unha mesma antes que aos demais, respetarse… e ao final iso cala no público e a conexión é brutal.

E de cara o futuro?

Lorena: Temos claro que queremos crear os nosos propios temas. Así que no inverno tocará meterse no estudio e compoñer.

Teñén pensado en algún xénero en concreto para esos novos temas?

Marta: É difícil quedarse cun só xénero. Sería moi aburrido! Nós queremos crear os nosos propios temas, máis alá dun xénero ou outro. Sería como moi aburrido quedarse cun só, e aínda que o punto de partida fosen os boleros, buscamos unha mistura cun concepto fresco e orixinal. Tamén porque agora que somos seis abarcamos máis instrumentos. Así que alá imos pola creación propia. Porque sabemos que estamos capacitadas e tamén porque o público nolo demanda.

Temos boa música, boas letras, humor e moitas ganas de festa!

E antes de que chegue o inverno para meterse no estudio, como se presenta o verán?

Marta: Las Antonias coñécense máis pola Coruña que por Ourense. Aquí imos pouco a pouco. Así que facemos un chamamento a salas de concertos, festas e eventos varios, que nos chamen e nos coñezan. Temos boa música, boas letras, humor e moitas ganas de festa! Está demostrado en cada bolo que facemos que a xente queda encantada.

Queremos lanzar unha mensaxe de empoderamento a todas as mulleres

A modo resumen Las Antonias…

Queremos lanzar unha mensaxe de empoderamento a todas as mulleres sexa cal sexa o xénero musical que empreguemos.