A Florenciada volve o Día das Letras Galegas a Córgomo

A Fundación Florencio Delgado Gurriarán retoma a Florenciada de Córgomo (Vilamartín de Valdeorras) que arrancou no ano 2022 co galo do recoñecemento da Real Academia Galega ao poeta corgomés e continuou das mans da Asociación de Mulleres Rurais da localidad. O anunciou a teniente de alcaldesa de Vilamartín, Sherezade Núñez, quen relacionou esta decisión coa designación das cantereiras como protagonistas do Día das Letras Galegas deste ano. Núñez resaltou a vinculación dos cantos populares coa obra de Florencio Delgado Gurriarán (Córgomo, 1903-California, 1987). No acto de presentación estivo acompañada por Elva Delgado, parente do poeta, e Margarida Pizcueta, concelleira de Cultura de O Barco de Valdeorras.

Será o sábado, 17 de maio, nun programa que arrancará ás 10:00 horas en Arcos (Vilamartín) cun roteiro que rematará en Córgomo. Os interesados, deberán anotarse previamente na páxina web da Fundación. Durante a camiñada, varios veciños comentarán a historia dos lugares.

A Florenciada propiamente dita comezará ás 12:00 horas na Aira dos Bolos de Córgomo, onde os visitantes poderán adquirir produtos artesáns antes de que Charangaiteiros acheguen os seus cantos de taberna. Tamén haberá postos de polbo, empanadas e churrasco para ás 15:00 horas retomar a música Pándega, que dará paso a foliada de Abertal e a un obradoiro de foliada que dirixirá Manuel Cobas, profesor de baile da agrupación ruesa.