A nova edición do Patapas aumenta nun 30% os premios

Os profesionais da hostalería de Xinzo de Limia reuníronse esta semana cos representantes do Concello para traballar nas novas bases das que desfrutara a terceira edición do Patapas, o concurso de Tapas de Pataca da vila. No encontro, celebrado o pasado luns, os participantes compartiron propostas co obxectivo de aumentar a participación e favorecer que o público interesado se achegue a tódolos estrablecementos, incluso a eses que están fóra das principais rúas da vila.

Unha das principais novidades acordadas nesta primeira reunión, foi o aumento na dotación de premios, que acadará os 3.500 euros, aumentando nun 30% a da pasada edición. Os hostaleiros e o Concello manterán unha nova reunión o vindeiro venres, 14 de novembro, na que se pechara a inscrición de locais participantes. Unha vez asentadas as bases e os derradeiros detalles, o Concello e os hostaleiros darán a coñecer a listaxe de establecementos participantes e as datas nas que se poderán desfrutar as tapas.

O Patapas pretende consolidarse como a cita gastronómica da pataca na Limia, impulsando a creatividade e a dinamización económica da vila, á par que fomenta a colaboración entre o tecido empresarial e o Concello. Na derradeira edición, celebrada do 21 de novembro ao 8 de decembro de 2024, preto de 20 establecementos ofreceron pinchos co produto estrela da comarca.