E agora, de que lles vou falar ás nenas e aos nenos?

Collerei un folio en negro e ise será o meu lenzo, coas bágoas destes días trazarei un río que apague a nosa sede de impotencia!

Que escuro se ve todo, que negra é a cinza!

Collerei ese folio negro e escribirei con grandes letras en branco: Por un Mundo Rural Vivo! (Altri, minas, macroéolicos,...non tedes cabida)

Levarei ese folio pendurado dun pau aló onde me convoquen, Estamos de Loito! Máis tamén de Loita

Debuxarei 5 liñas brancas para formar un pentagrama onde o paporrubio poida entoar a súa melodía, ninguén coma el para protexer os nosos marcos!

Buscarei nas nubes as formas de todos os animais cos que me teño emocionado, para recuperar a enerxía do tremor que provoca a súa beleza.

Collerei a pena dunha curuxa para transformala en contos, en poemas,... Que escura é a noite! (sen a súa Dama Branca)

Porei os pesares sobre a terra ardente, vestirei de cores para que me recoñezas e xuntas fagamos que agrome de novo a Nosa Terra!

Inma Soto (Ourense)