Á nosa institución RAG

Vimos de saber que a RAG decidiu xa a personalidade homenaxeada e recoñecida para o vindeiro Día das Letras Galegas no ano 2024. Esta dona atesoura todos os méritos para esa valoración tan positiva e constitúe unha dignísima proposta para a nosa cultura. Nembargantes, coido que con este tipo de decisións vese moi tronzada a loita que vimos mantendo hai anos para que ese galano se lle conceda ao vate da Pereira, Antón Tovar. Ao meu modestísimo entender, iso obríganos a proseguir a nosa postulación polo poeta da Limia na procura de que a nosa Academia recoñeza esa necesidade do merecido nombramento. Aínda que só sexa, non pola xustiza humana, mais pola pura xustiza poética.