Onde están os taxis?

Se vostede chama ao 988210011, teléfono do teletaxi, ten sorte se lle descolgan o teléfono, pero só pode sentirse realmente afortunado se lle envían un taxi. Non é infrecuente que no propio servizo de teletaxi admitan que non dispoñen de taxis para realizar o servizo solicitado.

Cando alguén solicita un taxi, tratándose dun servizo dos máis caros de España, é por pura necesidade, para ir a un hospital, á estación, porque non pode chegar en transporte público, ou diferentes situacións persoais.

A realidade é que hai un tempo que ven resultando moi difícil conseguir un taxi cando se precisa. Non pode ser que unha cidade do tamaño de Ourense non poida proporcionar un servizo público básico como é o taxi. É un asunto urxente, hai que poñerlle solución xa.

María Jesús Losada

(Ourense)