O signo dos tempos

A concatenación frenética de feitos inequívocos é a evidencia da relatividade factual do tempo, que en meses determinados produce unha aceleración vertixinosa. Múltiples análises dende diversas ópticas estruturais están a diseccionar as pulsións subrepticias da condición ontolóxica do ser e das consecuencias antropolóxicas que as súas decisións manifestan no ecosistema.

A dominación omnímoda do capital e do sistema extractivo que o sustenta está a corroer o basamento orgánico das sociedades racionais. A fase perfeccionada do capitalismo financeiro reflíctese na ambición espurias de poder e na anuencia servil de quen non pode expresar a súa voz entre a algarabía de falacias e aporías.

Os fenómenos disruptivos presentes e as respostas trémulas ante as ofensivas iracundas de megalomanía cristalizan nun novo reordenamento mundial, onde os supostos heraldos dos valores democráticos que antano alicerzaron os principios rectores dos dereitos e liberdades son hogano criaturas indefensas na selva dos taumaturgos.

Xián Antón Lorenzo Rodríguez