As gaitas tomaron Flariz no primeiro día da Xuntanza Internacional de Gaiteiros

Esta iniciativa, declarada de interese turística e cultural, promóvena a Escola Provincia de Gaitas e a Real Banda de Gaitas da Deputación de Ourense, e que se vén celebrando neste municipio dende 2007.

A praza Hermida de Flariz acolleu as actuacións das gaitas da Banda de Gaitas de Flariz, Nadia Vázquez, Anna Rynefors, Basilia de Santa Baia de Montes, Liesa & Ulrich Künzelmann, o Trío Búlgaro e Isla Jane Stout & Kerr. Mc Quillian. Posteriormente, Lucía Pérez ofreceu un concerto á veciñanza xunto ao centro social de Flariz.

Este sábado, no Hospital do Peregrino, celebraranse dende as 12,00 horas unha serie de conferencias arredor de distintos tipos de gaitas de toda Europa coa presenza de varias das intérpretes presentes na Xuntanza, nunha edición que está dedicada á muller gaiteira.

E á tarde, a partir das 19,00 horas, terá lugar o evento central coa celebración propiamente dita da Xuntanza Internacional de Gaiteiros na explanada do Castelo de Monterrei.

Para José Luis Suárez, o alcalde de Monterrei, a Xuntanza é “un evento moi importante a nivel organizato para un concello pequeno coma o noso. E o ‘fin de festa’ para tódalas actividades culturais que se desenvolveron ao longo do verán”.