Atopará fe na terra?

“...pero cando veña o Fillo do Home,

realmente atopará fe na terra?”

(Lucas 18:8 )

Un ponse a ler todo o Novo Testamento, e atopa moito textos reflectindo como as primeiras comunidades cristiás mantiñan a fe e a esperanza na proximidade do regreso de Cristo.

Hoxe en día, católicos, protestantes e ortodoxos, concordamos doctrinalmente en que a Segunda Vinda de Cristo, consistirá no regreso do Señor á Terra para xulgar á humanidade e establecer o seu novo reino.

A acelaración demográfica, a restauración do Estado de Israel, a expansión mundial do evanxeo, a globalización das crises financeiras, climáticas, bélicas e espirituais, así como o rapídísimo progreso científico e tecnolóxico, son algúns dos recentes cumprimentos de profecías bíblicas que nos sinalan a proximidade da volta triunfal do Rei de reis.

Temos máis motivos obxectivos que os primeiros cristiáns para crer na súa vinda. Con todo, deberiamos preguntarnos que tipo de fe atoparía Xesús en cada un de nós.